Hră KADB: Khua Pô Mtô 3:1-22

1

2

3

4

5

6

7

8

 Jih jang nao kơ sa bĭt anôk; jih jang kbiă hlăm bruih lăn, leh anăn jih jang srăng wĭt kơ bruih lăn msĕ mơh. KHUA PÔ MTÔ 3:20

Khua Pô Mtô 3:1-22

Read More

PÔ BI MTLAIH, KHUA YANG YÊSU KRIST

PÔ BI MTLAIH, KHUA YANG YÊSU KRIST

Êlan klăng: “Kyuadah mâo knŏng sa čô Aê Diê leh anăn knŏng sa čô Pô ti krah Aê Diê hŏng mnuih, jing Yêsu Krist, mnuih.” (I Timôthê 2:5)

PÔ BI MTLAIH, KHUA YANG YÊSU KRIST

1.     Êmuh: Hlei jing pô bi mtlaih?

Wĭt lač: Ñu jing yang tal dua hlăm Aê Diê tlâo čô yang, tơdah hriê jing mnuih, anăn Ñu pia jing: Khua Yang Yêsu Krist.

“Kyuadah hruê anei hlăm Buôn Y Đawit arăng kkiêng leh kơ diih sa čô Pô Bi Mtlaih, jing Krist Khua Yang”   (Luk 2:11)

2.     Êmuh: Anăn iêu, “Yêsu Krist” si mblang?

Wĭt lač:

-         Yêsu: čiăng mblang “Pô Bi Mtlaih”

-         Krist: čiăng mblang “Pô arăng trôč êa praĭ srăng jing Mtao.”

Snăn, Yêsu Krist si tô hmô klei mblang jing “Pô Bi Mtlaih, mtao kơ jih jang phung mtao.”

“Arăng čih ti ao jhung Ñu leh anăn tip pha Ñu sa anăn, MTAO KƠ PHUNG MTAO LEH ANĂN KHUA YANG KƠ PHUNG KHUA.” (Klei bi êdah 19:16)

3.     Êmuh: Khua Yang Yêsu jing pô mâo sĭt mỡ hlăm klei hbuê ênuk amâodah knŏng jing klei arăng duah mjing mă hlăm klei yăl dliê đưm anăn?

Wĭt lač:  Khua Yang Yêsu jing pô mâo sĭt hlăm klei yăl dliê ti lăn ala anei.

-         Yêsu jing pô phŭn hlăm jih klei hbuê ênuk kơ phung mnuih ti lăn ala anei. Klei arăng kkiêng kơ Ñu, bi mbha leh mâo dua kdrêč prŏng hlăm klei hbuê kơ phung mnuih. Jih jang klei truh hlăm klei hbuê ênuk, snăn kčưm mỡng Khua Yang Yêsu sơaĭ (Êlâo leh anăn êdei klei kkiêng kơ Khua Yang: êlâo amâodah êdei kơ Yang Krist – công nguyên  ).

-         Klei Aê Diê Blŭ jing druôm hră čih sĭt djŏ kơ Khua Yang Yêsu, hdruôm hră anei klăk klai čô mnuih ti rŏng lăn ala khăp dlăng leh anăn tŭ ư sơaĭ.

4.     Êmuh: Snăn, djŏ mỡ Khua Yang Yêsu jing sa čô hlăm phung khua prŏng(vĩ nhân) ti lăn ala anei?

Wĭt lač:   Jih jang phung khua prŏng ti lăn ala anei wăt tơdah mâo klei knhâo knhăk hĭn kơ jih jang dưn, ƀiădah ăt jing mnuih sơaĭ. Ƀiădah Khua Yang Yêsu mâo leh mỡng mphŭn dỡng leh anăn dôk mbĭt hŏng Aê Diê. Ñu jing Pô Hrih Mjing lăn adiê anei. Ƀiădah Ñu bi luă gŭ Ñu pô leh anăn kkiêng msě si mnuih drei. Kyua anăn, wăt tơdah hlei khua prŏng, khua kơ klei đăo, amâo dah wăt phung dĭng buăl jăk dưn, amâo mâo pô dưi bi msě amâo dah dưi mđơr hŏng Khua Yang Yêsu ôh.

(Yôhan 1:1-3; Philip 2:6-11; Hêbrơ 3:3)

5.     Hŏng si hdră Aê Diê brei leh Pô Bi Mtlaih?

Wĭt lač: Tui si hdră kơ Aê Diê, Pô Bi Mtlaih hriê jing mnuih kyua mỡng sa čô mniê êra, anăn gỡ H’Mari ba tian leh hŏng klei myang Yang Mngăt Jăk,leh anăn kkiêng leh kơ Ñu.

“Ně anei, sa čô mniê êra hrông srăng ba tian leh anăn kkiêng sa čô anak êkei. Ñu srăng bi anăn gỡ Êmanuel .”  Êsai 7:14

KLEI HRIĂM ATUR KLEI ĐĂO – Khua Pô Mtô: LÊ CAO QUÝ

Read More

Aê Diê, Si Pô Ñu jing?

6. Êmuh: Aê Diê, Si Pô Ñu jing?

Wĭt lač: Ñu jing pô yuôm bhăn êdimima, êgao hĭn kơ klei mnuih drei dưi mĭn.

Aê Diê jing Mngăt Myang

A.    Knuih kơ Aê Diê

(1)   Aê Diê jing Mngăt Myang: Ñu jing myang, amâo mâo asei mlei kđeh msě mnuih ôh, kăn mâo sa mta mnỡng srăng dưi bi ghă kỡng Ñu rei.

“Aê Diê jing Mngăt Myang, leh anăn hlei pô čiăng kkuh mpŭ kơ ñu, brei kkuh mpŭ hŏng mngăt leh anăn hŏng klei sĭt nik.” (Yô han 4:24)

(2)   Ñu jing Pô Jing: Pô čŏng jing mâo hjăn Ñu pô, leh anăn ăt dôk nanao hlŏng lar.

“ Aê Diê lač kơ Y-Môis, “KÂO JING PÔ JING”, leh anăn ñu,”Brei ih lač snei kơ phung ƀuôn sang Israel,’PÔ JING tiŏ hriê kâo kơ diih’. ” (Klei Kbiă 3:14)

(3)   Aê Diê Pô Amâo Thâo Mlih ôh: Amâo mâo klei mlih ôh hlăm Aê Diê.

“Kyuadah kâo gỡ Yêhôwa amâo thâo mlih ôh; kyuanăn diih, Ơ phung anak êkei Y-Yakôp amâo rai tuč ôh.” (Malaki 3:6)

B.     Dŭm knuih Aê Diê mâo? (Knuih myang – Phẩm tính Thiên thượng)

(1)   Mâo jih klei myang: Dưi ngă jih jang mnỡng.

“Kyuadah amâo mâo ôh sa mta mnỡng Aê Diê amâo dưi ngă.” (Luk 1:37)

(2)   Thâo jih jang klei: Thâo jih djăp mta ra klei.

“Tơdah ai tiê drei kơ čŭt kơ drei. Aê Diê jing prŏng hĭn kơ ai tiê drei, leh anăn Ñu thâo jih jang mnỡng.” (I Yô han 3:20)

(3)   Dôk hlăm jih jang anôk: Hlăm sa bliữ, Aê Diê dôk hlăm jih jang anôk.

“Dưi mơh sa čô mdăm Ñu hlăm anôk hgăm tơl kâo amâo dưi buh ñu ôh? “Yêhôwa lač “Amâo djŏ hě kâo bi bŏ phung adiê wăt  lăn ala mơh?” Yêhôwa lač .” (Yêrêmi 23:24)

C.    Knuih siam Aê Diê (Knuih kpă jăk)

(1)   Doh jăk:

Tui si klei čih leh, “Brei diih jing doh jăk, kyuadah kâo pô doh jăk.” (I Pêtrôs 1:16)

(2)   Klei kpă ênô:

“Boh tâo prŏng bruă ñu jing klă, kyuadah jih jang êlan Ñu jing kpă. Aê Diê pô sĭt suôr leh anăn amâo mâo klei wê  ôh. Ñu jing kpă leh anăn djŏ.” (Klei mtô mñă klei bhiăn 32:4)

(3)   Klei khăp:

“Hlei pô amâo thâo khăp amâo tuôm thâo kral Aê Diê ôh, kyuadah Aê Diê jing klei khăp.”  (I Yô han 4:8)

(4)   Klei Sĭt suôr:

“Pô iêu diih leh dôk sĭt suôr, leh anăn Ñu yơh srăng ngă klei anăn” (I Têsalôninik 5:24)

KLEI HRIĂM ATUR KLEI ĐĂO – Khua Pô Mtô: LÊ CAO QUÝ

Read More

Aê Diê mâo dŭm čô yang?

5. Êmuh: Aê Diê mâo dŭm čô yang?

Wĭt lač: Aê Diê mâo tlâo čô yang: Aê Diê Ama, Aê Diê Anak, leh anăn Aê Diê Yang Mngăt Jăk. Amâo djŏ mâo tlâo čô Aê Diê ôh, tlâo yang anei bi mguôp jing sa leh anăn jing mtăp mđơr sơaĭ.

Aê Diê mâo tlâo čô yang

• Dŭm klei hưn sĭt kơ Aê Diê tlâo čô yang:

(1). Boh blŭ “drei” hlăm Klei mphŭn dỡng:

• 1:26 Hlăk anăn Aê Diê lač.”Brei drei mjing mnuih tui si rup drei, msě si drei pô, leh anăn diñu kiă kriê kan hlăm êa ksĭ, čĭm hlăm adiê, hlô mnỡng rông tar bar lăn ala, leh anăn jih jang mnỡng êbat êban rui ti rŏng lăn ala”
• 3:22 Yêhôwa Aê Diê lač, “Ně anei, mnuih jing leh msě si drei, thâo kral klei jăk leh anăn klei jhat. Ară anei hin, huĭdah ñu yơr kngan pě mơh boh ana kyâo hdĭp, ƀỡng, leh anăn dôk hdĭp hlŏng lar. ”

(2). Mâo tlâo blữ klei hơêč hmưi, “Doh jăk”. Phung Sêraphim digỡ ur hdỡng digỡ lač, “Doh jăk, Doh jăk, Doh jăk yơh Yêhôwa kơ phung kahan, jih lăn ala bŏ hŏng klei guh kơang Ñu” (Êsai 6:3)

 

(3). Mâo tlâo yang hriê bi êdah tơdah leh Khua Yang Yêsu tŭ klei batem:

• “Leh Yêsu tŭ klei batem, Ñu kbiă mtam mỡng êa, leh anăn ně anei, adiê pŏk mdah leh anăn Yêsu ƀuh Yang Mngăt Jăk Aê Diê trŭn msě si sa drei mgăm leh anăn gam ti Ñu. Leh anăn mâo asăp blŭ mỡng adiê lač,”Anei jing Anak kâo khăp êdimi; hlăm Ñu kâo mâo klei mơak snăk ”. ”  Mathiơ 3:16-17
• “Kyuanăn nao bě diih mjing phung đăo hlăm jih jang găp djuê mnuih, ngă batem kơ diñu hlăm anăn Ama, anăn Anak, leh anăn anăn Yang Mngăt Jăk.” Mathiơ 28:19

 

(4). Tlâo čô yang hlăm klei wah lač hơêč hmưi:
“Brei klei Khua Yang YêSu Krist pap, klei Aê Diê khăp, leh anăn klei Yang Mngăt Jăk bi mguôp dôk mbĭt hŏng jih jang diih.” (II Kôrantô 13:14) 

1. KLEI HRIĂM ATUR KLEI ĐĂO – Khua Pô Mtô: LÊ CAO QUÝ
    

Read More

Hlei Aê Diê jing?

AÊ DIÊ

Êlan kliăng: “Leh anăn ih srăng khăp kơ Khua Yang Aê Diê ih hǒng jih ai tiê ih, hǒng jih klei mǐn ih, leh anăn hǒng jih ai ktang ih.” (Markôs 12:30)

1. Êmuh: Hlei Aê Diê jing?
   Wǐt lač: Aê Diê jing Pô Hrih Mjing lăn adiê, jih jang mnỡng leh anăn wăt mnuih drei, pô răng kriê jih mnỡng mâo leh. Drei khăng iêu anăn Ñu jing Pô Hrih Mjing jih jang mnỡng, jing Aê Diê, jing Khua Adiê.
   “Ih jing Yêhôwa, knǒng hjăn ih. Ih mjing leh adiê, adiê kơ jih jang adiê, mbǐt hǒng jih jang phung kahan di ñu, lăn ala leh jih jang mnỡng hlăm ñu.Jih jang êa ksǐ leh anăn jih jang mnỡng mâo hlăm diñu,leh anăn ih răng kriê jih jang diñu, leh anăn phung kahan hlăm adiê kkuh mpŭ kơ ih.” (NêHêMi 9:6)
2. Êmuh: Aê Diê mỡng Ñu mâo?
   Wǐt lač: Ñu jing Pô Čǒng Jing leh anăn Pô Hdǐp Hlǒng Lar. Pô mâo mỡng mphŭn leh anăn ăt dôk nanao amâo mâo knhal ôh. Ñu jing Pô Êlâo Hǐn leh anăn Pô Êdei Hǐn. Pô Dôk Hlǒng Lar hlăm jih jang ênuk.
   “Kâo jing Alpha leh anăn Ômêga,’Khua Yang Aê Diê lač, pô jing ară anei, pô jing leh, leh anăn srăng lǒ hriê, Pô Myang Hǐn.’ ” (Klei Bi Êdah 1:8)
3. Êmuh: Arăng dưi ƀuh Aê Diê mỡ?
   Wǐt lač: Ală asei mlei anei knǒng dưi ƀuh ya mnỡng bi êdah hlăm kđeh. Aê Diê dôk hlăm mngăt myang, kyua anăn mnuih knǒng dui ƀuh klei guh kơang Ñu bi êdah hǒng ală myang.
   “Kơ phung amâo đăo ôh anăn, yang ênuk anei guôm hĕ klei thâo săng diñu, čiăng đăm brei diñu ƀuh klei guh kơang klei mrâo mrang jăk mtrang hlăm Yang Krist, pô jing rup Aê Diê.” (II Kôrantô 4:4)
4. Êmuh: Amâo ƀuh Aê Diê ôh, biădah đăo hĕ, si ngă klei anăn djǒ mỡ?
   Wǐt lač: Klei anăn djǒ, kyuadah Aê Diê jing Mngăt Myang, drei amâo dưi ƀuh hǒng ală kđeh anei ôh. Biădah Aê Diê bi êdah leh Ñu pô hǒng:

1. Mnỡng Ñu hrih mjing         (Klei Mphŭn dỡng 1:1; Rôm 1:20)
2. Khua Yang Yêsu Krist       (YôHan 14:7; Hê brơ 1:23)
3. Klei Aê Diê Blŭ                  (II Timôthê 3:16)
4. Phung bi đru đăo, jing “hdră hdǐp”                 (II Kôrantô 3:3)

KLEI HRIĂM ATUR KLEI ĐĂO – Khua Pô Mtô: LÊ CAO QUÝ

Read More